بدايتها جوايا

بدايتها جوايا

لما ابتدا قلبي

الرحلة ويايا

لمدينة الأحلام

في عيونها إبْحارُه

وقلبي بَحَّارُه

يجوب بحار وبحار

مرساته في عنيها

وأمانُه في إيديها

يا شوقي يا طاير

شايل معاك حبي

وقلبها وقلبي

على غنوة الكروان

أزهار من البستان

بستان محبتنا

ياما زرعنا فيه

أشواق في غربتنا

وروينا أحلامنا

من عطر أيامنا

بمِّية الفرحة

بترش سكتنا

ويمر موكبنا

شايل في قلبه حنين

مكتوم في حزن سنين

ويروي من تاني

بكرة اللي لسه جاي

في عيونه نور الضي

حاضن أمانينا

يا دنيا خلينا

نسبق خطاوينا

مع كل طلِّة شمس

مع كل كلمه همس

ترجع لنا فينا

أفراحنا من تاني

يا غنوة الكروان

ألحانها في وداني

نغم كأنه ملاك

سابح مع الأفلاك

شعر / د.أمين رمضان