من القلب للقلب.. الحسيب

بقلم /أمل الوكيل

من اجمل الحاجات الي سمعتها شيخ كان بيتكلم عن اسم الله الحسيب

الحسيب يعني كل حاجه محسوبة عنده بالدقيقة و الثانيه ..
مرورك بالعربيه في اللحظه دي تحديدا عشان تتخبط .. محسوب ..
اَي حاجه بتحصلك محسوبة بالدقيقة و الثانيه ..
اَي حاجه حلوه ..
و اَي حاجه انت فاكرها وحشه ..
حتي لو كانت مرض او حادثه او وفاه او اَي كان ..
محسوبة لانه حسيب ..

و عشان تستريح لازم تربط الاسم ده بالحكيم الي عنده الحكمه في جميع مقدراته..

و تربطه بالعليم ..
علام الغيوب الي عارف الي جي و نتائج كل حاجه حتحصل واحتمالاتها …

و انهً فوق كل ده رحمن و رحيم ..
و ان دي أحب أسماوءه بدليل التسميه بالرحمن الرحيم
و الفاتحه الي بنقولها اكتر من مره في كل صلاه..
دول الاسمين الي ربنا اختار انك تكررهم و تعرفهم و تحفظهم و بياكد عليك بيهم .. علي الاقل خمس مرات في الْيَوْمَ ..

اما الأسماء التانيه اختياريه..
ممكن تعيش منغير ما تعرفهم او تفهمهم ..
بس تاكد ان راحتك في حياتك مرتبطه بنسبه كبيره بفهمك و تصديقك للأسماء دي ..

ازاي ممكن نزعل علي حاجه عملهالنا رب حسيب حكيم عليم خبير رحمن رحيم