احدث الاخبار
إسكندرية في الحظر
كلمات / أ.د. ناية حجازي نعمان
زعلانة ليه يا اسكندرية
يا عروسة البحر الأبيض
و كل الدنيا ديه
مين يتحمل يشوفك
ف الحالة ديه
يا حتة من قلبى
يا نور عينيا
تسلمِ و تعيشِ
ليهم و ليا
أزمة وتعدي
و عيشيها حرية
ولا تنحِبسى تانى
يا حلوة يا عفية
كلها أيام …
وانتى الحرة الأبية
ياتاج فوق راسى
و راس كل الإسكندرانية
يا منورة بلدك
اغسلى وشك
و بلاش تاخدي
الأمور بحساسية
امسحى دموعك
بكاك على عينيا
إجدلى ضفايرك
وجهزي نفسك
لنزلة و تمشية
و أما يقولوا ننزل
تنزلى أولنا
على شطك
و رملك الكهرمان
يا عطية الرحمن
يا صاحبة الطلعة البهية
يا أجمل هدية
8 / أبريل /2020
