أصول اجتماعية منسية
كتبت / عزه السيد
– ماتتصلش بحد أكتر من مرة ورا بعض إلا لو الموضوع حياة أو موت.
“ممكن يكون الشخص ،نايم مشغول، تعبان، عنده حاجة مهمة .. استناه هو يرد لك المكالمة”
– لو استلفت فلوس من حد ردها قبل حتى ما يطلب منك.
“ممكن يكون محتاج الفلوس ومحرج يطلبها.”
– لما حد يعزمك في مطعم متخترش أغلى حاجة في المنيو. واعمل حسابك ترد له العزومة مرة ثانية.
“خليك حسيس ”
– لما تكون داخل / خارج من مكان.. افتح الباب للشخص اللي جي وراك. ولو حد فتح لك الباب اشکره.
“ده من الذوق سواء الشخص ده راجل أو ست… كبير أو صغير… غني أو فقير”
– ماتقاطعش حد وهو بیتکلم و ماتبقاش انت اللي على طول بتتكلم ومستأسد بالحوار لوحدك.
“سيب فرصة لغيرك يتكلم ويخلص كلامه انت مش محور الكون ”
– لما تهزر مع حد ويبان عليه انه مش مبسوط من هزارك.. وقف وماتهزرش معاه کده تاني.
“متستخفش دمك على حساب غيرك”
– لما حد يقولك سر مهما كان بسيط خليه يفضل سر لحد ما يتدفن معاك في قبرك حتى لو بقيتم تاني يوم أعداء.
“خيانة الأمانة من الكبائر”
– لما حد يوريلك صورة على تليفونه ماتقلبش يمين أو شمال.
“انت متعرفش بقيت الصور عنده فيها ايه.. ودي أسرار وحرمات.”
– ماتتكلمش عن الفلوس والبيوت والناس الأغنيا قدام حد بسيط أو عنده مشاكل مادية.
“راعي مشاعر الناس وساعد غيرك على الرضا والقناعة ماتکدروش باللي مش عنده.”
راقت لي
