الصراط المستقيم

بلاش نحسد الناس على اللي ظاهر لنا

من قراءات أ.د.نادية حجازي نعمان

بيقولك ” انا نجحت ” بس مش بيقولك” أنا كنت بأعيط كل ليلة امتحان و بنام ساعة بس في اليوم ونظري ضعف ولبست نضارة”

بيقولك ” انا اشتريت موبايل  i phone ”  بس مش بيقولك “انا بقالي سنين شايل أقل موبايل في أصحابي وقرايبي ومحيطي ”

بيقولك “انا بأعرف أتحكم في اعصابي” بس مش هيقولك

” انا اعصابي اتنحلت لحد ماقدرت أوصل لكده ”

هيقولك ” انا جبت مجموع طب ” بس مش هيقولك “انا فقدت والدتي أو والدي في نفس السنه ”

هيقولك ” انا هعملك أحلى حفلة بمناسبة كذا” بس مش هيقولك ” انا هحوش الجنيه علي الجنيه شهور علشان اقدر اعملك دا ”

طبيعي ان الشخص هيشاركك انتصاراته والحاجه الكويسة و هيحتفظ بالجانب المُظلم لنفسه ، بلاش تحسدو الناس علي نصيبهم من الخير لمجرد ان نصيبهم من المعاناه مش متشاف .. يا تشيل الليلة علي بعضها يا تغمض عينك عنها علي بعضها .

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.