الاسرة والطفل
كلام ستات وشوية تكات.
كتبت / عزه السيد
أحلى تكات لست الستات
١/عشان ريحه الكبه متبقاش بصل افرمي فيها طماطم هتضيع اي ريحه
٢/لو بيضه اتكسرت منك على الارض رشي عليها ملح واستني دقايق وامسحي بمنديل
٣/لما يقع منك شويه لبن اوعي تمسحيه بفوطه المطبخ عشان هتعمل ريحه بشعه امسحي بمنديل مطبخ افضل
٤/لو الطبيخ زاد ملحه حطي بطاطسايه نيه واغليه غلوتين هتسحب الملح الزياده
٥/حطي رشه فانيلا على عين البوتجاز وهي سخنه هتعطر المطبخ
٦/زودي مع تشويح الرز فصين مستكه وورق لورا ورشه بصل بودره وكلي احلى رز
٧/فص توم مفروم مع قرن فلفل ورشه ملح وانزلي بيهم بعد ماتقفلي على اى حله طبيخ ومقولكيش على الجمال
