أراء وقراءات
مناجاة الحبيب
انت إللي واحشني أكتر
و معاك.. حلوه سنيني
وف غيرك عمري مافكّر
حبّك وحده ب يكفيني
وبعمري شارياك
وعارفاك شاريني
وإسمك جوايا
مكتوب علي شراييني
وصورتك ف قلبي
شايفاها عيوني
وبحس بك أمتي هاتجيني
وامتي بالحب… هاتناديني
ياللي هواك كحل لعينيّه
وغرامك حلم سنيني
ياحبيبي يامني قلبي
ياهديّه من ربي
بالحب باعتك تداويني
وانت وحدك بس وحدك
حبك أنت….. بيكفيني
صباح عبدالدايم ابوالنور
