هتطبخى إيه النهاردة.. طاجن كبد وقوانص

كتبت / عزه السيد

احلي طاجن كبد وقوانص

المقادير::

1/2 كيلو كبد وقوانص.
1ملعقة كبيرة زيت.
1 مكعب زبدة.
1 بصلة متوسطة مقطعة صغير.
2 فص ثوم مفروم.
1 ملعقة صغيرة هريسة الفلفل الأحمر البارد أو هريسة الشطة ( حسب الرغبة ).
4 حبات طماطم مقطعة مكعبات صغيرة.
1/3 كوب فلفل ألوان مقطع مكعبات.
ملح وفلفل.
رشة كمون.
رشة كزبرة.
رشة صغيرة قرفة.
1/2 ملعقة صغيرة بابريكا.

الطريقة :

نغسل الكبد والقوانص جيداً ثم نقطعهم إلي نصفين.
نضع الزيت والزبدة في طاسة علي النار ثم ننزل بالبصلة المقطعة ونشوحها حتي تذبل ثم ننزل بالثوم المفروم وهريسة الفلفل ونشوح حتي تظهر رائحة الثوم
ننزل بالقوانص ونقلب حتي يتغير لونها ثم ننزل بالكبد ونشوح حتي يتغير لونها أيضاً.
ننزل بالطماطم المقطعة مكعبات علي الكبد والقوانص ونقلب ثم ننزل بالملح والفلفل والكمون والكزبرة والقرفة ونقلب ثم نهدئ النار ونتركها حتي يتم نضجها.
ننزل علي الكبد والقوانص بالفلفل الألوان ونقلب ثم ننزل بالبابريكا ونقلب.
نضع الكبد والقوانص في طاجن الفرن ونساوي الوجه ثم نضعه في فرن محمي مسبقاً لمدة ربع ساعة ثم نشعل الشواية حتي يأخذ الوجه اللون الذهبي.
نخرج الطاجن من الفرن ويقدم وبالهنا.