أراء وقراءات
آن الأوان
كلمات / الدكتور أمين رمضان
أنا مش انا
أنا ضل ليك
بعد ما تاهت خطاك
كنت السجين
جوا المعامل والجبال
جوا أوراق الخريف
جوا الكتاب
مستني يوم
يظهر هلالك
م الغياب
علشان تعيش
قبل ما يمر الشباب
وسجنت جوا الليل هواك
ومشيت وحيد بين البشر
ترسم البسمة على وش القمر
وبسمتك جواك
وضحكتك جواك
حتى حبيبتك
شفتها جواك
*
آن الأوان
ألملمك
تاني وارجع روحي فيك
ونعيش سوا
قلبي اللي تاه
بيدق تاني ويناديك
قلبي اللي حيطير م الفرح
لما يلاقيك
في زقزقة عصفور
طاير في السما
يرقص مع المحبوب
على غصن الشجر
في ضحكة الأطفال
على وش القمر
مع كل موجة بحر
في حضن الرمال
لما تعشق تاني
تاني دنيتك
اللي كانت يوم محال
———————
17 نوفمبر 2022
