أصحاب الطفولة هم الباقيين وجرت بينا السنين كنا فين وبقينا فين عملنا إيه ولمين ومين وعطينا إيه شمال ويمين وليه جرت بينا السنين أيام وشهور بحزن سجين كانت فين الحدايق والبساتين وكان فين الورد والياسمين ليه سرقتنا سكين وليه جرت بينا السنين نزل ناس كتيرة يامه سابوا فينا مليون علامة كانوا فعلا قامة وأي قامة وركب ناس كتيرة يامه ماسابوا ولا علامة سافروا فى أسرع سفينة طاروا زى الحمامة والمشكلة والطامة ماسابوا ولا علامة وناس سابوا علامة ومعاها أجمل إبتسامة بس رموا عليها الجراح يامه سيبناهم حتى بلا ملامة وقلنا لهم مع السلامة وفيه سابوا سواد وغمامة بعد عناد وأحزان ودوامة مانابنا منهم إلا عمر غرامة ضاع هدر من غير إبتسامة ضاع هدر فى صندوق القمامة
