أنتى وطفلك….شكاوى الأمهات

الفترة الاخيرة خير اللهم اجعله خير بشوف شكوي كتيره من الامهات
الأم:ابني يا بيه
– ماله يا ماما
الأم :مش قادره عليه بيبكي ويتعصب
– طب امتي بيبكي يعني
الأم: اكون قاعده عكلم خالته ف التليفون وفجاه الاقيه شد المفرش من ع التربيزه ،او بسمع مسلسل انهار الهندي(مسلسل انهار افضل مسلسل تكلم عن اضطراب التوحد ابقي ابحثوا عنه وشافوه ع اليوتيوب لو حابين تعرفوا يعني ايه توحد)اكون بسمع المسلسل وعايز لازم يقلب القناة
او مش عايز يقعد زي الناس
او محولي كل المواعين في الصالة
او بيخبط راسه ف الحيط او يبكي لو عايز حاجة وانا رفضت

معظم الشكاوي دي بنشوفها من امهات لاطفال غالبا اقل من تلات سنين
-بصي يا ست الكل الطفل بيحاول يعمل اي حاجه حتي لو غلط علشان يشد انتباهك لوسيباه وتتكلمي او تتفرجي فركزي مع ولي العهد صديقني ده هو اللي هينفعك ويقف جمبك ف كبرك مش حد تاني

موضوع عايز يلعب ف الاطباق ف المايه مش قاعد ع حيله كل ده طبيعي ومش اي طفل اتحرك شويه نقول ده فرط حركه وخاصة حاليا الطفل عايش ع طول ف الشقه مبقاش يخرج زينا زمان فخديها قاعدة طول ما هو بعيد عن الخطر نار مثلا فسبيه اه هتتعبي شويه ف التنضيف بس معلش ده ولي العهد برضو

اخر حاجه يبكي او يخبط راسه ف الحيط
البكاء حاولي تتجاهلي شويه واحضني من قبل ما يوصل للمرحله دي انتي فهمتي ابنك لما تعملي كذا هيبكي خلاص قبلها بثواني خديه واحضنيه للاسف معظم الامهات مش بتحضن اطفالها الا لما يتعبوا
الحضن ده ليه تاثير عظيم ع الطفل وبيحسسه بالامان احضني كتير متخافيش مفيش ضربيه على حضن الطفل
موضوع خبط الراس مينفعش فيه تجاهل علشان خطر ع مخه
فاحضنيه قدمي ليه حاجه بيحبها
الهيه بلعبه ده طفل سهل إرضائه بكلمه أو حضن أو لعبه

مختارة من صفحة الدكتور/ وائل أحمد