إتربينا اوووى.

كتبت / عزه السيد

أتربينا لدرجة أن أحنا مش عارفين نعيش

ما أتعلمناش اللف والدوران ولا الملاوعة ولا المظاهر الكدابة ولا التزييف أتعلمنا الكلمة الواحدة والصدق والأمانة والوعود الصادقة

أتعلمنا نراعى ربنا قبل أى حد ما نعرفش نقول كلمة ونعمل عكسها ونخذل حد ونبخر وعود

من كتر ما أتربينا بقينا نصدق كل حاجة وما بنشوفش أى حاجة وحشة فى حد

أى حد ممكن بكلمتين حلوين نصدقه وبعدين نكتشف حقيقته المره

ياااامااا أتخدعنا لأننا شايفين كل الناس نقية عمرنا ما صدقنا أن فى كدابين ونصابين وأندال بنعامل الكل على نيتنا البيضا لحد ما يثبت العكس

من كتر ما عشنا الأخلاق ما بنصدقش أن فى ناس ما عندهاش ريحة الأخلاق ولا أتربت على الأصول

وعشان كدة يااااما اتصدمنا كتييييرولسه