إحساس متعب جدا.
كتبت / عزه السيد
– إحساس ان محدش فاهمك ولا حاسس بيك ده إحساس مُتعب جدًا…
ساعات الواحد بيختار إنُه يكون لوحدُه, بدون اي سبب ،
لا عايز يتكلم مع حد ، ولا يرُد على اي حاجه ..
لأسباب مش مفهومه لا ليك, ولا لغيرك …
الحكاية كلها” .. انك بيجى عليك وقت وبتمُر بحاله من اللامُبالاه ،
اللى هو مالكش مزاج ولا نفس تعمل اي حاجه …
لكن اللى حواليك بيفسرُه الحالة دى بميت شكل” وميت لون” اللى بيفسرها على انك غامض ومش عايز تحكي’
واللى بيشوفك على انك متغير معاه وحد جديد دخل حياتك وأخد مكانُه ,,
واللى بيحس انُه مش محل ثِقه ، ولا انُه بالأهمية اللى تخليك تحكيلُه على كل اللى فيك بالتفاصيل اللى انت نفسك مش عارفها”…
وتتراكم كُلّ هذه الأحداث فوق راسك “خلاف اللى انت فيه” وكل ده فالوقت اللى انت محتاج انك متفكرش فأي شيء لأنك مُرهق ومُمزق من الداخل للحد اللى مخليك مش قادر تحدد سبب الألم النفسي اللى انت بتعانى منُه , ومسيطر عليك من جميع الإتجاهات..
لكن ان حد يفهمك بجد ، ويلتمس لك العُذر ، ويحترم رغبتك فى السكوت ، دا اللى للاسف قليل جدا
