أراء وقراءات
إعمل حاجة عشان أملك.
بقلم / أ.د. نادية حجازي نعمان
16 /12 / 2020
من غير عمل إنسى أملك
عندك أمل ومازلت فيه !!!
سقف طموحك هناك ليه ؟؟
من غير عمل ماتجريش عليه
إنت قافلها من كل النواحي
وتقول أمل!! هوه إنت صاحي ؟؟
إتكلم عن الأمل بحدود
وخيالك لما يسرح لازم يعود
عندك أمل في إيه ؟؟
البحر يبقى جنينة ؟؟
ما بيبقاش
العسل يبقى طحينة ؟؟
مابيبقاش
الود حيجري علينا ؟؟
الوقت فات
والحب حيدفينا !!!
وهم وخيالات
حاول تخلي الأمل مولود
فيكبر ويمشي لخلود
ماتقفش تستناه
ده شيء مرفوض
ماتديش فيه
لنفسك وعود
