البيكنج بودر
كتبت / عزه السيد
هناك استخدامات كتير مش هتتخليها للبيكنج بودر
أستخدامات البيكننج بودر متعدده
يلا بينا
البيكنج بودر بكيس واحد هتنضفي عن تجربة وهتدعيلي
اول حاجة هتحطي كيس بيكنج بودر في بخاخة ومعاه ربع كوب خل وشوية مياة ومعلقة صابون سائل هتلقيهم بيفورو عادي اقفلي البخاخة وبخي منهم على قزاز البوتجاز والاستلاس والحوض الاستلاس وتسبية شويا هتلاقي الدهون نزلت بسهولة وسلكة وبمنتهي السهولة هينضف
تاني حاجة الممبار هترشي علية كيس من البيكنج بودر وشوية ملح وشوية خل وتقلبيهم وسبيهم شويا هتلاقي الممبار نضف بكل سهولة
يستخدم البيكنج بودر فى تبيض الاماكن الداكنه فى الجسم( ١ ملعقة بيكنج بودر كبيرة + ١ ملعقة كبيرة حليب ) قلبيهم جيدا وادهنى الأماكن الغمقه فى الجسم لمدة ٢٠ دقيقة ثم افركيه بنص ليمونه لمده ٣ أيام متواصله هتلاحظى الفرق بنفسك
وانتى بتسقى الجلاش أو الرقاق قبل مايدخل الفرن ضعى ملعقة بيكنج بودر مع البيض و اللبن هيطلع مرقرق وخطيييير
البطاطس الصوابع المقلية هتغسليها بعد ما تقطعيها صوابع وتحطيها في مياة وملح وكيس بيكنج بودر وتقلبيهم واقلي البطاطس واتفرجي على القرمشة الجامدة وهتدعيلي
كمان لو حطينا كيس بيكنج بودر على الدقيق في عجينة الفطير المشلتت هتخلية يورق
اي معجنات محتاجة تكون هشة هتحطي بيكنج بودر ونشأ هيكون بديل المحسن
الكفتة علشان متكشش وتكون طرية وهشة ضيفي رشة بيكنج بودر على اللحمة و البرجر نفس الكلام
الحواشي علشان اللحمة متلمش فى نص الرغيف وتكش ضيفى رشة بيكنج بودر.
