قالوا لهم ف الحظر
خليكوا ف البيت
وكان الحظر ع الكل
شيء مميت
كان القرار يمكن
أكتر من أربع شهور
داقوا المرار ف البعد
عن الشط والجناين والزهور
ولما رفعوا الحظر
نزلوا الشوارع بالكوم
أظنهم حسبوا اترفع
الفيروس المشؤوم
جروا يطيروا طيارتهم
وينسوا كورونا والهموم
ونسوا الكمامة
وكل نقد ولوم
ونزلوا بحرهم
ينسوا القيود بالعوم
بعد ماحيرهم كورونا
وطير من عينيهم النوم
واتصوروا ومَلِتْ
صورهم الألبوم
كانوا جابوا آخرهم
ف الحبسة من جرثوم
دعوا إن رفع الحظر يدوم
وإلا حيضربوا كورونا
بالكرابيج والشوم
