رأى المواطن
الشاعر صبحي بشاي يرثي المهندس خالد الوحش
وانتوا رايحين بيه المقابر
عدوا بيه علي كل باب
لجل ما يودع حبايبه
والقرايب والصحاب
واوعوا حد يكون مكابر
اصله غالي وم الأكابر
ع الوجع كان قلبه صابر
والايمان كان نور طريقه
وابنه مهدى كان صديقه
وعمره عاش للناس رصيد
سابه عيد علشان يلاقى
عند ربه أحلى عيد
يا حبيبنا بالسلامة
والسلام وِرْد الأمانة
للى كان عايش معانا
وساب لنا وجع الحنين
السلام لاخواتى (تِمَّن)
قولهم رقوة أخوكم
قلبه أَنّ من الأنين
ربنا يجمعنا بيكم
وتلاقونا ونلاقيكم
بدعى ربي
و أقول امين
