أراء وقراءات
الضياع
أ.د. نادية حجازى نعمان
ضاع مزاجي وضاعت نفسي
ظنيت إن الشعر يحرر حبسي
لا حرر صوتي ولا حسي
ولا نجدني من شدة يأسي
قيدي أشد من أن يفكه كلام
الجدر حولي تحيطني بآلام
حبيت تتكلم مافيش حد مناسب
حتعمل إيه ..مجهودك راسب
ماكنتش للأمر ده حاسب
مايفيدش تلوم نفسك ولا تعاتب
أواه قلبي
احتارت فى دربي
كنت عايزاك جنبي
لكنك ضعت قبل نفسي
كنت حاسس بي ياقلبي
الحزن معشش فيك آهات
بتبكي جواك ونازلة العبرات
حطام اليأس حواليا مساحات
وأنين النفس أسمع له أصوات
سأنتظر الجبر أيام أو سنوات
وماحدش يقولي إن الوقت فات
