انزلوا من علي أكتاف أهاليكم

من اختيارات / عزة السيد

بعد مشوار طويل .. الراجل اللى فى الصّورة اعلاه تعب وكتفه وجعه من كتر الشيل ..

وما بقاش قادر يشيل ..

فنزل البط من على كتفه عشان يستريح شوية ..

والبط الصغير مشى فعلا  ..!

ما ماتوش يعنى ولا حصلهم حاجة وحشة ..!

زى بالظبط لما راجل محترم يسمح لبنته .. إنها تشتغل فى محل أو مكتبة أو مصنع .. مش معنى كده إنه عايز يبهدل بنته أو يمرمطها فى الدنيا ..

كل الحكاية إنه بيكون مضطر فى الظروف الصعبة دى .. لأنّه تعب وكتفه وجعه ومش قادر يشيل ومحتاج بنته تساعده وتشيل معاه ..!

ولما أبوك يقول لك انزل شوف لك شغلانة .. واعتمد على نفسك ..

مش معنى كده إنه بيذلك .. لكن الراجل كتفه وجعه ومش قادر يشيل .. وعايزك تساعد نفسك وتشيل معاه ..

لعبة بابجى والفيس بوك مش هيبنو لك مستقبلك ..

بالعكس هيستنزفوا وقتك وفلوسك وصحتك ويخطفوا عمرك والله ..

لما والدتك تطلب منك تساعديها فى البيت اوعى تتزهقى عليها واسمعى كلامها ..

علشان هى شالت عنك كتير بكل الرضا ..

بس تعبت ومحتاجة اللى يشيل عنها الحمل شوية ..

انزلوا من علي أكتاف أهاليكم واتعلموا تمشوا على رجليكم عشان تريحوهم شوية ..

من شيلة تقيلة مشيوا بيها مشوار طويل ..