تراكمات من كل اللى فات

كتبت / عزه السيد

احيانا بتيجي عالواحد فترة بيبقي عايز يهرب من كل الناس ومن كل حاجه حواليه حتي من نفسه ..

بتبقي كل رغبته في الانعزال فقط ..

مش عايز يسمع حاجه .. ولا يعرف حاجه ..

حتي كلمات المواساه والطبطبة بتكون تقيلة علي قلبه ..

واوقات دة بيكون بدون سبب محدد واضح .. لاء دة بيكون نتيجة تراكمات جواه ..

مواقف عاشها ومرت عليه .. عداها بس اثرها جوة قلبه لسة موجود ..

كلمات معينة كل مابيفتكرها بتوجع قلبه ..

مواقف كل مابتمر علي باله بيزعل علي نفسه ..

وكأن في الفترة دي كل حاجه توجع وتزعل بتتسابق عشان توصله .. كأنه ناقص حزن ووجع ..

بتكون فترة صعبة اوي وعصيبة اوي وممكن تؤدي لكوارث لو ماكانش الشخص عنده ايمان ويقين كبير بربنا سبحانه وتعالي ..

لينا_ربنا