حرب ايه .. شعر : بدور محمد

حرب ايه ..

دي حاجه اقوي من السلاح ،

حرب من النوع اللي هوه ،

حرب نجحت باكتساح .

وانت بص وشوف معايا،

قد ايه عدد الضحايا .

يلا نبدء يلا بينا ،

ع الشباب الحلو فينا.

يلا نبدء شوف معايا،

يلا علا اول حكايه.

انت يلي هناك حزين ،

وعلي القهاوي متجمعين ،

خد ولف سجاره جنبي،

ولا شم شمه روئ.

ولا ايه فلم جامد ،

متع يلا عينك ..فوق .

وانسي ان الفقر جنبك،

والبطاله كل همك،

وان كل حيتنا خوف .

وانت ياصحبي ياشايف،

المبادئ كل همك .

ايه ياصاحبي ده احنا اصلا ،

من الاساس ابن عمك .

ارضي علي التطبيع معايا،

واحكي لولادك حكايه ،

ان بئينا خلاص سلام .

وهي دي كل الحكايه ،

شفت ياصحبي النهايه ،

انتصرت ازاي عليك.