أراء وقراءات
حضن الأمل
شعر / الدكتور أمين رمضان
لما روحي
تحضن الأمل اللي غاب
جوه أحضان الزمن
ترقص نجوم القلب
في الحب اللي داب
في نار المحن
تفرد الأحلام إيديها
فوق جبين الحيرانين
اللي عايشين السنين
جوه غار مسكون ألم
مسكون أنين
غار كئيب من حزنهم
ياكل في أحلامهم
ويرمي عضمهم
فوق جبال العمر
فوق مر السنين
لما حلمي يصحى جواهم
ينور دربهم
يمسح من الكون الأنين
يروي من روحه السعادة
جوا قلب المحرومين
……………………….
23 أكتوبر 2022
