خليك انت وبس

بقلم / أمل الوكيل

كلنا أبطال ف قصص ناس و شياطين ف قصص ناس .فمن الغباء انك تحكم علي شخص بمجرد السمع عنه من غير ما تتعامل معاه او ان كلام الناس عنك يهزك ..

كل واحد هيشوفك علي حسب ثقافته و حاجته و اللي كان عايزه منك و انت ادتهوله بالشكل اللي هو عايزه ولا لا .. فمتخليش حد يصنفك ولا يكرهك ف نفسك او يعطلك عن هدف او قرار ..

ممكن اسمع رأيك فيا أو ف غيري علي سبيل الفضول لكن رأيك مش هيعدي الحاجز اللي بين و دني و عقلي ولا هاخده مقياس ..

متحاولش تحسن صورتك لحد كلنا عاديين ف نظر ناس ميعرفوناش ومغرورين ف نظر ناس كارهينا وكويسين ف نظر الـ يعرفونا وحلوين ف نظر الـ بيحبونا و هُبل ف نظر امنا و ابونا