سباعية هاشمية….شروق الشمس فى وشك 

شعر / الدكتور على عنان 

*شروق الشمس فى وشك

نشيد بينادى ، أحلى صباح

*يقول سر الوجود رمشك

ورمشك فى الغرام ،،، دباح

*ولو تاخدينى يوم، عشك

أدوق م الخوخ  من التفاح

*أطير مالفرحة ف عنيكى

أهيم وسط الجمال، سواح

*أدوب ماللمسة ف اديكى

على ورد الخدود ،،،، أرتاح

*وعين بتغنى أحلى نشيد

وقلبى يطير ،،، بألف جناح

*يهل العيد، بدون مواعيد

وألقى فى الهوى ،،،، أفراح

د. على ابوهاشم عنان

اعلامي ومترجم وشاعر