كتبت / عزه السيد
– الجو النهاردة جميل جدًا… سبحان الله.
– يعني إيه سبحان الله؟
– سبحان الله يعني أنزه الله عن كل نقص وعيب… تحب أبسطهالك؟
– ياريت.
– سبحان الله يعني إن ربنا سبحانه وتعالى هو الكامل…
مفيهوش أي نقص، وهو العظيم الجميل
اللي كل شيء حلو في الدنيا ده من صنعه.
علشان كده لما نشوف حاجة فيها نقص أو حاجة غريبة،
بنقول “سبحان الله”…
كأننا بنفكّر نفسنا إن الكامل الوحيد هو الله.
وبرضه لما نشوف حاجة جميلة قوي…
بنقول “سبحان الله” لأن جمالها ده أصلًا من خلق الله،
ومهما كان شكلها حلو…
لسه فيها نقص، لأنها مخلوقة.
أما الله سبحانه…
فهو الكامل بلا نقص، الجميل بلا عيب.
– سبحان الله!
تم نسخ الرابط
