سيدتي… كل يوم نصيحة
كتبت / عزه السيد
عزيزتي ست البيت خدي بقا شويه معلومات منى ليكي في الشتااا
وانتي في الشتا روحي هاتي شرابات قصيره ب٥ج الواحد وهاتي فزلين طبيعي لو اكياس الكيس ب١ج وقبل ما تنامي كل يوم حطي فزلين في رجلك وادعكيه والبسي الشراب ونامي بيخلي رجلك طول الشتا ناعمه زي الاطفال ومش هتعمل خشونه خالص وممكن تعمليها يوم اه ويوم لا تحفه وعن تجربه
وانتي بتغسلي المواعين في الشتا وفضيتي الحلل اغلي كاتل او املي شفشق ميه سخنه وحطيي المواعين في الحوض ورشي عليها الميه عقبال ما تمسحي البوتاجاز والرخامه ارجعي للمواعين هتلاقي كل الدهون ساحت وهتسهل عليكي اوي هاتي كريم بشره اي كريم وفي منو اكياس في الصيدليه وعند بتاع المنظفات بعد ما تخلصي مواعينك حطي في ايدك وخليه عند الحوض قدامك عشان متنسيش مثلا حميتي اولادك عملتي التوالت حطي بردو طول الشتا مش هتلاقي ايدك خشنه ابدا جربي وادعيلي
الشتا كلو طبيخ ودربكه واليوم بيجري هوا اعملي قعدتك كلها في مكان واحد وحطي حفظه علي الارض او اي حاجه قديمه اكل شرب كلو في اوضه وحده هتلاقي ديما الشقه رايقه وجميله ومش هتضيعي اليوم كلو في الترويق يا دوب تعملي الاكل والمواعين ولو هتذكري لاولادك شويه ولو عندك شويه غسيل وع الساعه ٦المغرب الدنيا بتليل والاولاد بيناموو
وعند باب الشقه حولي تحطي حفظه او اي ملايه قديمه او حافظات ب ٣٥٠ج و٤٠٠ج تحفه بردو انتي ومقدرتك علي اول السجاده الي ع باب الشقه هتشيل بلااااوي الشتا والتراب والطينه
