رأى المواطن
في عيد الحب..
في عيد الحب
ببعتلك رسالة حب
يا بعيدة
ومكانك جوا القلب
بشوفك يوماتي
اصبح وامسي
وبرسم عيونك
وشم جميل يتحب
أغنيلك واغنيكي
وقلبي بيحتفي بيكي
تروحي بعيد أناديكي
يسهل صوتك كل الصعب
يا حلوة والحلا منك
وما في غيرك اكمنك
كتير مني وانا منك
و مايوفيكي كل الحب
و لو حبيتك طول عمري
يا لحني وغنوتي وقمري
دا في وجودك يهون الكرب
يا بنت القلب
يا كل الحب
وحشتيني
وطيفك دايما يوافيني
وكل البعد ينّسيني
يرسم فرحتي في عيني
يقول على طول
فاكراك ومش ناسياك
وحبك دنيتي
و روحك وَنَسي في سنيني
سمعاك وانت بتغني
و احبك لما تغنيني
حبك نصيبي من الدنيا
وفي بعدك هو مهنيني
هاقولك في الآخر كلمة
بحبك
وانتي اكيد فاهمة
و بدعيلك دعاء من قلبي
يصونك ويحفظك ربي
و تعيشي رفيقة دربي
ولوحدك مالكة القلب
يا سر الحب
يا كل الحب
في عيد الحب
ببعتلك رسالة حب
من صفحة :احمد عبد العزيز “السندباد”
