كلام ستات وشوية تكات..سلق اللحمه
كتبت / عزه السيد
– اللحمه مش بتتغسل ممكن شاطفه سريعه بالمية .لان الاحماض الامينيه التى فى اللحمه بتدوب فى الميه وتصبح اللحمه لبس فيها اى قيمه غذائية
– البصله مع شوربة اللحمه هي اللي بتدي طعم للشوربة من غيرها الشوربة ملهاش اي طعم
– الريم اللي بيطلع ع وش الحله لو مش اتشال بيمرر الشوربة وبيخليها زفره
– النار لو عاليه أو هادية اللحمه مش هتستوي وهتشد ، لازم نار متوسطه مايله انها تكون هادية
– السكر ونواه البلح بيسرعوا عمليه التسوية بس في ناس قالت إن النواه خطر
– الفلفل الاسود لو اتحط من اول التسوية هيغمق الشوربة وهتحتاجي كميه كبيرة عشان يظهر طعمه ف الآخر وده مش صح
– انك تحطي اي خضار ، فلفل أو جزر أو توم أو طماطم او كرفس كل ده بيدي طعم احلي للشوربة وبيعلي قيمتها الغذائية
– عشان الطعم يبقي احلي واحلي تبلي اللحمه في بصل وفلفل وتوابل واديها تشويحه ف التيفال أو معلقه سمن قبل ما تضيفي الميه الساخنه هيفرق ف الطعم جدا
اثناء سلق اللحمه لو احتاجت ميه ضيفى المبه سخنه لان الماء البارد هينشف اللحمه وميخليهاش تستوى( تقرمز)
اضافه التوابل للحمه زي الحبهان وورق اللوراوالمستكه لو وجدت بتدى طعم حلو للشوربه
لوحسيتى ان اللحمه عجوزه وهتاخد سوى كتير بعد ماتغلى شويه اطفى النار ساعه ا و ساعتين وولعى النار
عليها تانى هتستوى اسرع
الملح ما يتحطش الا فى الاخر لانه بياخر تسويه اللحمه
