كلام ستات وشوية تكات

كتبت / عزه السيد

جربتى لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها تحطى كمان معلقة صويا صوص

جربتى وانتى بتعملى الحواوشى تضيف معلقة طحينة أو معلقة دقيق التكة دى بتخلى اللحمة متنزلش سوايل على العيش ومتبوشهوش خصوصا في عجينة الحواوشى الاسكندراني.

جربتى وانتى جايبة كمية بطاطس وخايفة تبوظ منك

حطى رأس توم هتساعد من أنها تفضل فترة طويلة من غير ما تبوظ

جربتى وانتى بتخزنى البامية تضيفى عصير ليمون

عليها بكده هتحتافظ على لونها وخضارها

جربتى وانتى بتعملى الكفتة تضيفى في الخلطة بتاعتها معلقة نشا ومعلقة بيكنج بودر وبياض بيضه بالطريقة دى عمرها ما هتفك ولا تكش منك ابدا

جربتى لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى

هيبقى سهل معاكى جدا وانتى بتستخدميه

جربتى وانتى بتعملى الكيك تضيفى معلقة خل

هتفرق جدا فى لون وهشاشة الكيك

جربتى برضوا معلقة الخل لما تيجى تفرمى التوم علشان تخزنيه ده بيخلى لون التوم فاتح لآخر

لحد ما يخلص ده طبعا غير رشة الملح والزيت اوعي تنسي

جربتى يا عسليه تنضفى ضهر الطاسات اللى مليانة دهون بالصنفرة الخشنة بجد رهيبة ونتايجها رووعة