كلام ستات وشوية تكات
كتبت عزه السيد
هانتكلم النهارده عن المواعين
هاتفرق بجد معاكى كتير لو عملتى الخطوات زى مابقولك
معلقة الشاي تقلبي بيها وفى ساعتها تحت المية ومع المعالق تحطيها.
المبشرة مش ممكن تسيبيها فى الحوض اللى عليها هينشف اشطفيها فى ساعتها وحطيها مكانها.
طبق قطعتى فيه خضاراو مصفاة غسلتى فيها رز صفيتى فيها مكرونة او طماطم اشطفيها وشيليها.
الخلاط ضربتي الطماطم او العصير اشطفيه وهو لسه مافيهوش حاجة لازقة ولا ناشفة هيغلبك بعد كدا خلصي نفسك منة وماتركنيهوش.
بعد ما عملتى الاكل وغرفتى خلاص وهتخرجى من المطبخ علشان تاكلى بصي حواليكي بايديكى الاتنين تاك تاك ورا بعض لمى كل المواعين المنتورة فى المطبخ على الرخامة والبوتوجاز وارمى فى الحوض اشطفى وعلى صفاية الحوض حطيهاحسب نظامك والحلل او الصوانى ارميها ف الحوض وافتحى المية عليهاتتنقع على ما تاكلى وترجعى يكون اللى اتنقع باش خلاص وبتتغسل ويتشال انما لو رجعتى لسة ولميتي وفكرتى هتنقعى ايه دى عطلة وهتتطري بعد ساعة ترجعى المطبخ تكملى غسيل مواعين .
حاولى دايما تستخدمى طبخ الحلة الواحدة علشان المواعين والكراكيب فى المطبخ تبقى قليلة يعني فيه ناس تروح حاطة الفراخ مع الخضار فى صينية الفرن وتغطي بفويل وخلاص.بجد بتفرق فى الاخر مش هتلاقى حاجة فى المطبخ تغسليها طول اليوم.
خلى علبة مقفولة فيها سندويتش جبنة وجنبه تفاحة او خيارة وجنبها كيس بسكوت او معجنات من بيتك او بتى فور عاملاه واقفليها وكل ما طفلك يجوع اديله من السندويتشات والحاجات الجاهزة وتكملى شغلك من غير عطلة ولا تطفى البوتوجاز ولا تغسلي ايدك وتروحى تعملى اكل وبعدين ترجعى تكملى ولا حاجة هو ياخد بنفسه الاكل.
نيجى للبوتوجاز بقى اوعى ثم اوعى حاجة تفور علية وانتى بتطبخى تكملى سوا فيها اطفى وامسحى الل وقع وارجعى كملى بدل ماينشف ويتحرق هاتزعلى.
