كلام ستات وشوية تكات

كتبت عزه السيد

جربتى لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها تحطى كمان معلقة صويا صوص جربي وادعيلى

جربتى وانتى بتعملى الحواوشى تضيف معلقة طحينة أو معلقة دقيق التكة دى بتخلى اللحمة متنزلش سوايل على العيش ومتبوشهوش خصوصا في عجينة الحواوشى الاسكندراني.

جربتى وانتى جايبة كمية بطاطس وخايفة تبوظ منك

حطى رأس توم هتساعد من أنها تفضل فترة طويلة من غير ما تبوظ

جربتى وانتى بتخزنى البامية تضيفى عصير ليمون

عليها بكده هتحتافظ على خضارها

جربتى وانتى بتعملى الكفتة تضيفى في الخلطة بتاعتها معلقة نشا ومعلقة بيكنج بودر وبياض بيضه بالطريقة دى عمرها ما هتفك ولا تكش منك ابدا

جربتى لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى

هيبقى سهل معاكى جدا وانتى بتستخدميه

جربتى وانتى بتعملى الكيك تضيفى معلقة خل

هتفرق جدا فى لون وهشاشة الكيك

جربتى برضوا معلقة الخل لما تيجى تفرمى التوم علشان تخزنيه ده بيخلى لون التوم فاتح لآخر

لحد ما يخلص

الملوخية انتي وبتضبخيها متغطيهاش بعد الطشة علشان متسودش وتفصل منك

زودي مية سخنة للحوم وهي وبتتسلق مش ساقعة علشان تاخدي احلي طعم ومتاخدش وقت في التسوية

لومعندكيش لبن وعاوزة تعملي بشاميل استبدلية بشوربة طعمها بيبقي تحفة وزودى ماء سلق المكرونه

ضعي معلقة مية ساقعة في بيض البانية هيفضل الزيت نضيف لاخر قطعة

انتي وبتقلي السمك حطي قشر ليمون ورشة ملح تقلل من انتشار رائحة السمك في المكان

ضيفي معلقة طحينة في غسيل اى طيور واسماك بيقضي ع ريحة.