كلام ستات وشوية تكات.

كتبت / عزه السيد

بصوا بقى انا هقولكم على شوية نصايح فى البيت والاكل يمكن تفيد حد.. منها حاجاات من النت وجربتها وبقيت اعملها دايما.. يلا بسم الله

1/بالنسبة للسمنة بجيب كل يومين اتنين كيلو لبن بغليهم واحطهم فى الثلاجة ماخدش منهم لبن خالص لغاية الصبح تتكون طبقة سميكة جدا من القشطة بشيلها فى علبة على اخر الشهر تكون اتملت اعملها سمنة برطمان صغير تكفينى طول الشهر مع ازازة زيت ذرة مابحتاجش اجيب سمنة من بره
2/بعمل بكيلو لبن زبادى بتطلع8كوبايات صغيرة وطعمها تحفة وطبعا نظافة وتوفير وطعمها يجنن واللى عاوز الطريقة هقولهاله

3/ بجيب داونى او اى معطر ملابس كيس صغير بحطه فى ازازه واملاها مايه وارش منها فى البيت طبعا الريحة ماقولكوش وكمان للناس اللى بتتعب من الروايح مش هتتعب من الريحة دى وهتوفر معاكى بدل معطرات الجو