من القلب للقلب.. الحمدلله

بقلم /أمل الوكيل

بتعدي علينا شهور و ايّام و احنا لا مدركين و لا حاسين بنعم ربنا علينا ..

يجي يوم زي ده يفكرك بمليون حاجه ..

انك مش مضطر تقف في التلج ده تجري علي اكل عيشك زي العساكر و لا البياعين و غيرهم ….
ان عندك سقف في اخر اليوم يسترك ..
ان عندك بطانيه في عز التلج ده تدفيك ..
انك عندك ميه سخنه تستخدمها ..
انك مطمن ان اكل يومك موجود .. و عشاك موجود ..

انك حتي لو درجه الحرارة وصلت صفر امن و مطمن و
مستريح و مش خايف

قلبي النهارده مع ناس كتير شفت زيهم كتير ..
بلا سقف ..
بلا دفي ..
بلا ميه ..
بلا حمام مقفول يسترهم ..
بلا امل في تغيير قريب ..

ربنا يلطف بينا .. و بيهم ..
و يأمنا و يأمنهمً.. من اختبارات الدنيا .. و الأخره