معلومه فى كبسوله …( الستر )
بقلم : أمل الوكيل
السعي فى الدنيا للأخذ بأسباب الغني والنجاح مرهون بقواعد قواعد تضمنلك سلامه الطريق قواعد تضمنلك أن وقت زاي اللي أحنا فيه من ظروف إقتصاديه مرهقه لكل الطبقات.. الهم فى تفكير الخلاص منها مش ينسيك أن في سنن كونيه حاكمه لخيوط القدر… وأن ده مش نهايه الطريق .
ربنا ليه عبودية فى الغني… خط أوله سعي فى الجمع بالحلال، والوسط زكاه وصدقه ،وأخره الشكر .
وليه عبوديه فى الفقر…. خط أوله سعي فى أخذ أسباب الحلال، وأخره الصبر .
والطريقين تحت مظله الرضا… بإنك طالما سعيت وأخذت بالأسباب ، النتائج مش بتاعتك ، أختارلك الصح ممكن يكون رزقك دفع لمفسده… فلوس دي تتحول لصحه.. رفيق حياه ميدفعكش فلوس فى محاكم وقضايا.. إبن مش معاق ولا بيإخذ جرعات كيماوي شهري بالآلاف .
في ناس قضت حياتها تجمع فلوس من حرام علشان ورثه يستمتعوا بيها بالحلال .
وفي ناس فلوسها سجنتها وناس فلوسها عملت بيها دور أيتام ومستشفيات وسعى فى حوائج الناس .
خطوط القدر أعمق من أنك تفض تشابك أنت مش مسؤل عن نتائجه… والأيام دُول قلبك لازم يكون مستوعب الستر فى رزقك.. علشان تمشي فى الدنيا بجوارحك مش الشيطان يعدكم الفقر” خد صحه ومال وستر…
وأشكر هات صحه وخلي معاك مال وستر.. وأصبر هات مال وخلي معاك صحه وستر… وأرضي “ولنبلونكم بشئ”…. خوف؟ جوع؟ موت؟ فقر؟ اللي يهذب قلبك ويقلم فرعنه النفس البشريه… وبشر الصابرين مين عارف هتتقطع النهارده لمصلحتك وتتوصل بعد سنه لمصلحتك برضه أسعي.. وأرضي .
