من القلب للقلب..استوصوا بالنساء خيرا
بقلم / أمل الوكيل
الستات بتتجوز عشان تلاقي السكن و المودة و الرحمة و لو ملقتهمش مش هتتجوز و لو اتجوزت و ملقتهمش هتعيش تعيسة حتي لو عايشة في اغلي قصر !
في رجالة لما زوجاتهم يشتكوا يقولولك ما هي بتاكل و بتشرب و عايشة حلو ! اعملها ايه تاني؟
انت لما بتأكلها و بتشربها فا ده حقها عليك مش فضل منك تذلها بيه كل شوية !
مراتك مش جاية تعيش معاك بلقمتها!!!!!
مراتك ممكن تسيب عشانك بلدها وشغلها وبتتغرب وهي راضية عشان تبقي جنبك..
دورك تبقي اهلها.. سندها.. حبيبها
عشان هي لما سابت اهلها اتعشمت انك هتكون كده و آمنت انك كل حاجة في دنيتها…..اي انسان والله لو عرف ازاي يحترم مراته..وعرف ازاي يحتويها..ويحسسها بكيانه..والله كل انسان هيبقي سعيد مع مراته..ونسب الطلاق هتقل…معلش الوحده مش بتطلب الطلاق الا لما تلاقي نفسها حقها في الراجل اللي اختارته دون عن الناس ضايع….المرأه محتاجه حب اهتمام..احتواء رومانسيه خد رايها اتكلم معاها ما تحاولش تقلل من شاءنها الإنسان مش بيحس بالحاجة إلا لما تضيع منه…ومن خسر حب امرأه مخلصه يبقي خسر حياته كلها..ياريت كل واحد يفهم ويتعلم من أخلاق سيدنا محمد صلي الله عليه وسلم..وكلام ربنا استوصوا بالنساء خيرا لو اتعلمنا الاخلاق ديه مش هيبقي في ظلم..ولا اهانه..ولا طلاق بالعكس هيكون ربنا كرمنا في حياتنا ……استوصوا بالنساء خيرا …..ياريت نراعي ربنا ونتقي ربنا فيهم
