من القلب للقلب.. الحسد

بقلم /أمل الوكيل

ناس كتير بيخافوا من الحسد بس دلوقتى بيخافوا كمان من الكلمة الحلوة
الموضوع ده مربك جدا !!!
انا بحب كل الاطفال وبلعب معاهم فى كل مكان بحس انهم حلوين اوى ده بيعملى مشكلة
وانا بلعب معاهم وفرحانة جدا طبيعى اقول عليهم قمر وفجأة الاقينى بحشر 150 ماشاء الله علشان ماطلعش حسودة محترفة؟؟

افضل بعدها قاعدة على اعصابى لغاية ماالطفل يكبر ويدخل الجامعة ويتجوز ويخلف من غير مايحصله حاجة احسن يقولوا عليا انى حسدته

الخلاصة :-الكلمة الحلوة مش معناها حسد فى ناس بتتعامل من قلبها وبتلقائية بحتة حبوا بعض اكتر من كده وبلاش ظن السوء اللى غلب علينا