من القلب للقلب… الكيان

بقلم /أمل الوكيل

من سنين اقتنعت ان مفيش حاجه دايمه و مستمره و أن الوقت قادر على تغيير كل حاجه حتى ترتيب الناس جواك .. مرور الوقت قادر يخليك تسيب شغل، تبطل زيارة مكان معين كنت بتحبه، تنهي علاقات كتير بدون اي اسباب غير انك “قفلت”.
أيوه كل الحجات دي عشان قفلت، قفلت بمعني انك مبقتش قادر تستمر في مكان معين او مع ناس معينه، أو في شغلة ما. الشيء الوحيد اللي عمرك ما هتعرف تستغنى عنه هو الكيان
اللي قادر يكون شبهك طول الوقت. بمعنى إنك كل ما تتغير يتغير معاك، تنضج ينضج، تبقى تافه يبقى تافه زيك،
تبقى جد يبقى جد زيك. من الآخر الكيان اللي يبقى هو انت وانت هو.