من القلب للقلب…. بتوحشنا الاحاسيس

كتبت/ أمل الوكيل

في الحقيقة إنهم مش هُما اللي بيوحشونا..
احنا بيوحشنا كلامنا سوا اللي مكانش بيخلص، بتوحشنا الأماكن والمواعيد وسلام الإيد، بتوحشنا المواقف والصدف اللي جمعتنا من غير تخطيط وكانت سعادتنا بيها كبيرة، بيوحشنا التوقيت اللي قابلناهم فيه وشكل الليل وسكونه، بيوحشنا صوت دقات قلبنا معاهم وارتباكنا وتهورنا وجنانا، بيوحشنا طريقة نطقنا لـ اسمهم وطريقة نطقهم لـ اسمنا، بتوحشنا النظرات المسروقة من وقت للتاني وكأن المكان ما فيهوش بشر، بتوحشنا شكل الحياة وقد ايه كانت مُبهجة واحنا جنبهم، أيوه في الحقيقة مش هُما اللي بيوحشونا.. دا شكل احساسنا بيهم ومعاهم هو اللي بيوحشنا.. :))