من القلب للقلب.. عيشيها صح.

بقلم /أمل الوكيل

“مش مسئوليتك تصلحي المكسور وتعالجي المريض وتربي اللي ناقص تربية.
انتي مش مركز تأهيل ولا مستشفى. انتي ست محتاجة شريك حياة مش

مشروع إصلاحي!”
الكلام دة في الصميم لإن ستات كتير متخيلين ان من واجبهم يفنوا نفسهم وينكروا احتياجاتهم وهما بيصلحوا حد رافض يتصلح ومش عايز يتغير وسعيد بمشاكله ومش عايز يحلها.
مينفعش تساعدي حد رافض المساعدة. خصوصا لو هايغرقك معاه وانتي بتحاولي تنقذيه من نفسه! هو مش طفل وانتي مش مامته. انقذي نفسك أهم! واصرفي وقتك ومجهودك على حد يستاهل هايقدرك ويحترمك ويبني معاكي حياة ناجحة وسعيدة