من القلب للقلب
بقلم: أمل الوكيل
من كتر الناس اللى ب 100وش وحشونا الناس اللى بوشين،
فى ناس مش بس بتوريك انها بميت وش وبس..لا ده كل شوية تأكد على المعلومة منهم اصحابنا بتوع زماااان اللى كنا بنشعر معاهم بالامان،
شافونا عاشرونا حفظونا فهمونا بس ياخسارة بعدوا ونسيونا بيبقوا جنبى وبيشكروا فيا بس باين فى عنيهم عكس الكلام ربنا يحفظنا من القريب قبل البعيد واللى كارهنا وعامل حبيب فين الطيبة،
فين الرحمة تاهت ياعينى فى الزحمة قلوبكم ليه كانت تحس ودلوقتى بنشوفكم فى الحلوة وبس مالهم ياناس اللى بوشين على الاقل كانوا واضحيين عارفينه لما يغدر حفظينه لما يقلب اما انتم خافيين الوش،
اللهم احفظنا من القريب قبل البعيد واللى كارهنا وعامل حبيب متتلونوش فى صورة الطيبة اما والله غريبة النجاح نجحنا وتدخولوا تخدوا فرحنا اللى فى ايديكم هو الحلال واحنا حرام فى حرام،
بطلوا تطلعوا على اكتافنا احنا بجد اتقرفنا ومن كتر الناس اللى بميت وش وحشونا الناس اللى بوشين.
