الصراط المستقيم

نحتاج أن نتعلم

كيف تعبد الله وانت لا تفهم مراد الله منك.

كتبت/هناء ابو هنتش.

مسلم هذا العصر المسلم الكيوت الأمور مقتنع تماما أنه مسلم فاهم كل حاجة ومش محتاج يفهم او يعرف اى حاجة تانى

والقرآن فى جيبه يقرأه لو جاله مزاج كل سنة مرة لانه اصلا مش محتاج يعرف أو يفهم منه حاجة ما هو اصلا فاهم كل حاجة وهو مسلم جميل مش بيشرب خمرة ولا بيأكل خنزير ولا يزنى زنا صريح …

كلا المنهيات  طالما هو بعيد او يظن أنه بعيد عنها فهو مقتنع تماما أنه زى الفل وأنه قلبه ابيض وفل برده …

وكله peace وجميل يعنى سلام ما بعده سلام وهو ده ديننا دين التسامح والرحمة والحب وكله بمبى بمبى

ولما واحد يتكلم أمامه في الدين بعمق شوية تلاقيه وشه قلب ومش عاجب سيادته.

ايه اللى حصل خلانا بالجهل ده ؟ وخلانا مصدقين أننا فعلا كده تمام ومش محتاجين ندرس ولا نتعلم ديننا على اساس يعنى أن كلنا مولودين فقهاء واللى عارف اكثر من كده ده يبئى شيخ بئى او عالم ودى مش قصتنا …

لاء يا حبايبى اضحك علينا احنا جهلة اوى ومش فاهمين ابسط أمور دينا مش بقول يعنى نغتسل ازاى ولا نتوضأ ازاى أنا بقول ابسط المفاهيم الشرعية …
ماذا يريد الله منا ؟
كيف يريدنا أن نعيش ؟
ما يحبه وما يرضيه ؟
يعنى ايه أنا مسلم ؟
ما هى مقتضيات اسلامى هذا ؟
وما هى واجباتى نحو هذا الدين ؟ …
يعنى ما هو مراد الله فى كونه؟
هل تعلم المنهج المحدد الذى رسمه الله لك لتحيا فى كونه ؟ ودورك فيه ؟ ………….
………………….
والخ الخ الخ …….
لو قلنا مليون سؤال عن ابسط مفاهيم الدين هنلاقينا جئت لا اعرف من اين ولكنى اتيت … ولكنى وجدت طريقا امامى فمشيت

شئ مخزى …
لا يمكنك أن تعلم اى شئ دون أن تدرس كلام الله دراسة واعية جادة مستفيضة … ولعل أهم ما نجح فيه الشيطان أن يقنع مسلم هذا العصر أنه مسلم ولا يحتاج لأن يتعلم كيف يصبح مسلما

نحتاج أن نتعلم الكثير ….. نحتاج أن ندرس …..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.