هتطبخى إيه النهاردة..فراخ مشوية في الكيس الحراري مع رز مبهر
كتبت / عزه السيد
الفراخ المشوية في الكيس الحراري
المقادير :
فرخة – بطاطس -بصل – طماطم – فلفل -صلصه – بهارات – ملح – فلفل
ثوم مفروم – زيت
الطريقه :
في الكبة حطي بصل وفلفل الوان وفلفل حامي مع الطماطم والثوم وافرميهم مع بعض
حطي بقي باقي المقادير من الصلصة والتوابل والزيت وتبلي الفراخ تتبيلة زى الفل
هاتي الكيس الحراري وحطى فيها خضار متقطع زى جزر او بطاطس مع بصل وطماطم وفلفل الوان وعليهم الفرخة المتبلة
اقفلي الكيس الحراري وحطيه في صينية وافتحي فتحة صغيره فيه تطلع الهوا الزيادة وعلي الفرن علي درجة حراره متوسطة لمده ساعة
الارز_المبهر..
المقادير
ارز بسمتي دهبي- بصله مفرومه
جزرة مبشورة – مكعب مرقه – ملح – فلفل – كاري – كركم – ورق لورا – حبهان -زيت
الطريقه :
شوحي البصل المفروم في شوية زيت مع الحبهان وورق اللورا وبعدين الجزر المبشور يدبل شوية مع البصل مع رشه ملح ومكعب المرقة مع الكارى والكركم والمايه سخنة واخر حاجة انزلى بالارز و ظبطي المايه بتاعته وسيبيه ياخد سواه
وبالف هنا
