هتطبخى إيه النهارده..عجة البطاطس

كتبت / عزه السيد

اكله اقتصاديه بسيطه سريعه

المكونات:

4حبه بطاطس متوسطه الحجم
بصله كبيره مقطعه صغير
3فصوص ثوم مهروسين
ثمره فلفل حامي او بارد حسب الرغبه مقطعه صغير
ثمره طماطم متماسكه مقطعه صغير
ملعقه دقيق
نصف كوب لبن
ملح كمون فلفل اسود
4بيضات حجم كبير
ملعقه زبده وملعقتين زيت
كسبره خضراء مفرومه
حوالي كوب موتزريلا

الطريقه:

هقشر البطاطس واقطعها مكعبات صغيره واشطفها واسلقها في ماء مغلي مع نصف ملعقه صغيره ملح
هنضع في طاسه عالنار الزبده والزيت ويشوح فيه البصله ثم ننزل بالثوم المهروس لما البصل يصفر ونقلب تقليبه ثم ننزل بالفلفل وعليه الطماطم ويقلب نضع رشه من الكمون والفلفل الاسود وقليل من الملح نقلب تقليبه ونطفي ونضع حوالي ربع كوب كسبره خضراء
بعد البطاطس ما اتسلقت هنصفيها كويس ونضع عليها خليط البصل ثم نقلبها جيدا
هنضع في بوله ملعقه الدقيق وعلبها نصف كوب اللبن ثم نضع رشه من الفلفل الاسود وقليل من الملح نقلب جيدا ثم ننزل بالبيض ونقلب جيدا ونوزع الخليط جيدا علي البطاطس ويساوي ويدخل فرن ساخن لمده ثلث ساعه او نصف ساعه لما يتشرب ويبتدي الوجه يحمر نخرج الصنيه نضع عليها حوالي كوب من الموتزريلا وتدخل مره اخرى الجبنه تسيح والف هنا وشفا