هنطبخ إيه النهاردة
هتطبخي إيه النهاردة.. فرخه محشيه بالرز بالكبد والقوانص
كتبت/عزه السيد
هنعمل النهاردة الفراخ بطريقة هتعجبكم وكمان تعتبر وجبه متكامله وهي الفراخ المحشيه ارز وكبد وقوانص
المكوّنات
فرخه متوسطه
كيلو رز
بصلتين كبار
نصف كيلو كبد وقوانص
معلقتين زبده
بهارات
قرفه
ملح وفلفل
بابريكا
للصوص
معلقتين كاتشب
معلقتين مايونيز
معلقتين صوص باربكيو
الخطوات
نغسل الفرخه كويس… ونجيب حله ونحط فيها معلقتين زبده ونفرم البصل ونحمره
هنغسل الكبد والقوانص ونقطعها ونشوحها مع البصل
هتغسلي الرز ونضيفه مع البصل ونحط التوابل ونسويه نص سوي
هنجيب الفرخه ونحشيها ونحط حله ع النار فيها بصله وملح وفلفل وبهارات ولما تغلى نحط الفرخه تتسلق كويس ونطلعها
ونجيب صينيه ونحط فيها باقي الرز بالخلطه
وفي طبق تاني هتحطي مكونات الصوص وتقلبيهم
وهتحطي الفرخه ع الرز وتدهنييها بالصوص وندخلها الفرن لمده ربع ساعه من تحت وفوق يكون متولع وبالهنا
