أراء وقراءات
ياللي رايح عند أبويا
بقلم / ماهر البغدادي
ياللي رايح عند أبويا
بلغوا مني السلام
وقولوا مشتاقلك تجيني
ولو مرة في المنام
محتاج اشوف ضحكتك
محتاج أحس مرة بالأمان
ونرجع لحكاوي أيام زمان
واستني لنظرة منك
وأنت إللي تبدأ الكلام
قولت أنام الليلة بدري
وقعدت احضرلك كلام
لقيتني من شوقي
مش عارف انام
حتي الحياة من بعدك
بقيت عيشة والسلام
ياللي رايح عند أبويا
بلغوا مني السلام
٢٠٢١/٧/٧
