بقلم/خالد طلب عجلان
أخدت جحش الجيران وقلت أروح مشوار..
الجحش كان ذكي ..ذكي كلفني وفوق طاقتي ..
طلب حاجات غريبة وعجيبة ..وأنا اللي كان قصدي
اشحت جحش الجيران طبعا علشان أوفر ..طلب برسيم وخص وجزر وعرق سوس ولب وسجاير ..طبعا يتسلى ويعفر وإن قلته لا على شيئ يثور ويعفر..
وأتاري الجحش كان ذكي وإحنا اللي مش فاهمين محروم بقالوا سنين …
وهي جت له الفرصة حقق أحلام السنين في دقيقة وفي لحظة ..
طلب مطالب عجيبة وغريبة ..خلاني أقول لنفسي بقى .ده ياربي الجحش اللي مايفهم شيئ
ويرد عليا هاتف كان مستني فرصة..
وكلم نفسي من تاني والجحش يفهم أيه..
والهاتف يناديني…وهي تفرق أيه…
خايف يعجن ويلبخ وتضيع معاه الحمير..
وارجع وأقول لنفسي وهي الحمير عايزه أيه..
كبيرها تأكل وتشرب وإن جاعت أخرها تعض وترفس وبعلو برسيم تسكتها وتركبها وتروح عليها ميت مشوار…
لا هتسألك كاني ولا ماني..وأن قتلت قتيل بره المحكمة واقفة مش عارفه مين المجني من الجاني..
ضحكت علينا الحمير وبيعونا هدومنا..والمشكلة إستحمرناهم وطلعوا أنصح منا..