هتطبخى ايه النهارده..فتة الكوارع.

كتبت / عزه السيد

فتة كوارع

فردة كوارع مغسولة ومتقطعة
1 بصلة
1 م ص فلفل اسود
3 حبهان
2 ورق لوري
ملح
3 فصوص ثوم
2 كوب رز
خبز
1 م ص زبدة
مكونات الصلصة
4 فصوص ثوم
4 طماطم مضروبين في الخلاط ومتصفين
1 م خل
1 م شطة
رشة سكر

في حلة متوسطة نحط ماء ٣/٤ الحلة و أول ما تغلي نحط الكوارع ونشيل الريم كل اما يتكون لاول نص ساعة و بعد كدا نقطع بصلة على ٤ ونضيفها مع الفلفل الاسود والحبهان واللوري ونسبها اما تستوي واذا احتاجت ماء بضيف ماء ساخنة و في الاخر بضيف الملح للشوربة و بطفي النار

في مقلاية تيفال بحط ملعقة زيت وافردها واضيف الكوارع (في الهون بجيب ٣ فصوص ثوم و ١ م ملح و ١ ملعقة شطة وادقهم ناعم) بدعك الكوارع بالتتبيله دي و ملعقة زيت من فوق واحضها على نار هادية واقلب على الجوانب تأخذ لون و تتحمر من فوق الوجه

بغسل الرز و بحطة في الحلة على نار منوسطة مع ٣ كوب ماء و ١ م ملح و معلقتين زيت واول اما يغلي بخفف عليه واسيبه يستوي على البخار وبقلب من وقت للتاني

بحضر الصلصة بقطع الثوم صغير و اشوحة على النار وانزل بالطماطم واما تغلي غلوتين احط الخل والملح ورشة السكر واطفي اما تتسبك

بحمر العيش بالزبدة وافردة في طبق التقديم وعليه الرز و قطعة الكوارع واضيف الصلصة في الاخر وبقدم الشوربة في بولة لوحدها مع لكون للي حابب يضيف وبألف هنا وشفا.