حكايات شهرزاد الحالمة….مجلس الزمامير

كتب : أحمد إبراهيم

بلغنى أيها الملك السعيد
ذو الرأى الرشيد
كان ياما كان يا إنسان
شعب طيب وغلبان
ضحكو عليه وقالوله حريه
صدق أصله حسن النيه
يلا إختارو اللى يمثلكو
ويضحولكو بما يمتلكو
راحو انتخبو بكل إيمان
لكن بكره مكانش امان
أعضاء مجلس الزمامير
كان بيسوقهم عضو كبير
اول لحن من الألحان
غيرو نشيد الأوطان
بعد ما كان بالروح بالدم
أصبح مين يدينى الدعم
واللى يقولو ده كله نشاز
يبقو خونه يتحرقو بجاز
زمر زمر يا زمار
بكره ليلنا يجيله نهار
واللى يزيف لحن بلاده
بكره يبيعها بكل فؤاده
وهنا أدركت شهرزاد الصباح
فسكتت عن الكلام المباح
وقالت للملك شهريار
ان أعضاء مجلس الزمامير
يحظون بحب الجماهير
فدائما ما يحب الخسيس
ما يزبنه له إبليس
والى اللقاء فى حلقة قادمة