من القلب للقلب ..رسائل ربنا ليك

بقلم / أمل الوكيل 

في ناس بتظهر في حياتك فجأه ويختفوا فجأه ولا تعرف ظهروا ليه ؟! ولا إختفوا ليه ؟!

لكن الموضوع أبعد ما يكون عن الصدفه .. ومش أكبر درس هتطلع بيه إن الناس أندال ومتثقش في حد !

في حِكَم أكبر من كده بكتير .

في حكمه إتوجدت مرتين  .. مره بوجودهم ومره برحيلهم ..

بوجودهم إتغيرت فيك حاجه .. وبرحيلهم إتغيرت فيك حاجات !

قبل و بعد مبيجيش بالساهل ..

أفضل نسخه ليك مش هتعرفها غير بكده ..

رسائل ربنا بيبعتها لك من خلال مواقف وأشخاص وفقد وعطاء .. مش هينزلك وحيعلمك !

كلها أسئله بتتبعتلك من خلالهم ..

إبكي على فراقهم ، طبيعي .. لكن لازم تحاول تستوعب الرساله .. اخرج بره دايرتهم وإملى قلبك وعقلك إن في حكيم خبير رحيم قاهر مسيطر على كل التفاصيل ويعلم السر وأخفى ليك وليهم  .. رب عظيم يدبرلك ويدبرلهم !

وهو القائل سبحنه وتعالى في كتابه العزيز (وَهُوَ الْقَاهِرُ فَوْقَ عِبَادِهِ وَهُوَ الْحَكِيمُ الْخَبِيرُ )

الإكتمال يتطلب الإنضاج بنار الإحتكاك بالآخرين.