أراء وقراءات

من القلب للقلب .. راحة البال

بقلم / أمل الوكيل

في نعمه إسمها راحة البال ..
راحة البال انك لا قلقان علي عيان ..
و لا واقف في جنازه..
و لا خايف من عدو ..
و لا قلقان من فضيحه ..
و لا خايف علي رزق..

نعمه انك في اللحظه دي قاعد في أمان الله و لطفه ..
نعمه الروتين ..
نعمه السكون ..
نعمه الأيام الي شبه بعض منغير مصايب و لا نكد ..
نعمه ان مشاكلك تافهه و بسيطه ..
نعمه ان النهارده زي أمبارح ..
نعمه انك متخيل بكره زي النهارده ..

اوقات السعاده الحقيقيه قليله ..
اوقات الحزن القاتل برضو قليله ..
اغلب أيامنا هي الأيام العاديه .. الي بتعدي علينا و احنا مش مدركين نعمه انه مجرد يوم عادي ..
يوم عادي انتي ماشي فيه علي رجيلك..
يوم عادي صحيت فيه في سريرك ..
يوم عادي ولادك راحوا المدرسه ..
يوم عادي بتعمل الحاجات الممله الي بتعملها كل يوم ..
يوم عادي بلا وجع .. و لا دموع .. و لا مشاعر قويه ..
الحمد لله علي كل يوم .. و اَي يوم
و ربنا يخلي أيامنا كلها عاديه .. و يرزقنا راحه البال بلطفه و كرمه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.